ПРОЕКТ ДЕТАЛИ

Општина Пехчево има периферна положба во однос на главните коридори во земјата, односно низ нејзината територија поминува регионалниот патен правец Р 523 Струмица - Делчево и изминатите неколку години општината е силно зафатена со со емиграциски текови, особено од селските населени места додека една од главните причини за истото е квалитетот на живот во тие населби и во тој сегмент, особено постоењето и квалитетот на патната инфраструктура (локални улици). Локалната самоуправа во насока на подобрувањето на квалитетот на живот на населението особен акцент поставува на создавањето на предусловите за развој на селските средини и во тој контекст подобрувањето на севкупната инфраструктура во селските населби и иако општината редовно вложува ресурси во одржувањето на постојната и градењето на нова локална патна инфраструктура во рамки на скромните буџетски средства, сепак постојат уште локални улици во селата Чифлик, Црник, Робово и Умлена кои не се изградени, односно за кои нема подготвено проектна документација. Досега, иако со големи тешкотии, општината успеваше да го одржува квалитетот на патната мрежа на едно задоволително ниво и континуирано да инвестира особено во населените места во одржување и изградба на патната инфраструктура.Показател за во последните неколку години тоа се 2, 7 Км реконструирани улици во градот Пехчево (ЕУ ИПА Грант за Рурална инфраструктура), изградени и/или поплочени со бехатон плочки селски улици во должина од 9Км како и изградба на селски плоштади и др. Генерално најголема потреба е (до)изградбата на помалите улици во селските населби во с.Чифлик (4 крака на селска улица L= 981 м), с.Црник (1 улица и 2 крака на селска улица L=700 м.), с.Умлена (2 улици и 2 крака на селска улица L = 1,236 m.) и с.Робово(1 улица и 2 крака на селска улица L= 644 m.).Овие локални улици се со вкупна должина од 3.561 Км. Во текот на изминатите неколку години како резултат на климатските промени и зачестената појава на големи врнежи и поплави целата патна инфраструктура беше изложена на оштетувања, односно најзабележително беа поплавите во летото 2015 и пролетта 2016 година кога настанаа огромни оштетувања на целокупната патна инфраструктура кои ги надминуваат капацитетите на општината да ги санира.Имено заради природата на подлогата (селски улици со земјана подлога и песочен тампон), односно влијанието на надворешните климатски фактори (поројни дождови и поплави) како и на човечкиот фактор (интензивно користење на земјоделска механизација во текот на целата година), квалитетот на предметните селски улици е во многу лоша состојба. Иако интервентно најкритичните точки беа санирани/тековно се санираат сепак локалните улици се во тепка состојба и неопходен е одговорен пристап кон решавањето на проблемот со улиците во селските населби преку детектирање на приоритеите, изработка на техничка документација и изградба на приоритетните селски улици. Блокораната сметка на општината и другите финансиски потешкотиии во секојдневното работење ги надминуваат капацитетите на локалната самоуправа да ги планира и навремено изведува оштетените селски улици што секако има големо влијание на економските текови во тие населени места но и на безбедноста во сообраќајот и воопшто на целокупното население од аспект на други сериозни ризици по населението, односно отежната пристапност заради оштетена патна инфраструктура на ПП возил, Брза помош и сл.. Проблемот со оштетената патна инфрастуктура од поплавите изминатите години е високо рангиран на листата на детектираните потреби на граѓаните кои беа јасно искажани во текот на Форумот за води оддржан во текот на 2014-2015 и последователно на Буџетскиот форум 2018 организиран од страна на општина Пехчево за планирање на буџетот за 2019 година. Изработката на техничката документација е прв чекор кон реална имплементација, односно изградба на предметните селски улици и завземање на про-активен однос кон решавање на проблемот на селското население во интерес првенствено на подобрувањето на условите за живот во тие населени места но и на безбедноста на учесниците во сообраќајот но не занемарувајќи ги и економските импликации и влијанието на состојбите кон атрактивноста и поддршка на економските активности во руралните средини.