ПРОЕКТ ДЕТАЛИ

На територијата на општина Сарај моментално својата дејност ја обавуваат неколку јавни претпријатија со вршење на разни услуги на нејзините граѓани. Собирањето на комуналниот отпад и одржувањето на фекалните канализациони ситеми го врши ЈКП ,,Сарај,, Сарај на која оснивач е Советот на општина Сарај. Во почетниот период, како новоформирано јавно претпријатие со мал број на човечки ресурси, без соодветно искуство, скромни финансиски средства, беше принудена да ја обавува само дејноста собирање, транспорт и одлагање на комуналниот отпад во депонијата Дрисла. Иако барањата и потребите на граѓаните на општина Сарај за оваа услуга беа енормно големи, претпријатието поради ограничените ресурси беше принудено да врши услуга само на мал број на граѓани од неколку населени места кои се лоцирани околу седиштето на општината. Со текот на годините, претпријатието со поддршка на општина Сарај почна да се консолидира и постепено се зголемуваше и бројот на населени места и бројот на корисници на услугата собирање на комунален отпад. Освен примарната услуга, со изградбата на неколку фекални канализациони системи беше потребно ЈКП Сарај да се екипира како со механизација така и со вработени за одржување на овие системи. И покрај огромните напори како на општината така и на претпријатието, не се во можност овие услуги да им ги овозможат на сите граѓани на општина Сарај. Поради овие причини ги бараме горенаведените финансиски средства за да набавиме неколку возила со кои ќе го зголемиме бројот на корисници на овие услуги а со тоа ќе придонесеме во заштитата на животната средина.