ПРОЕКТ ДЕТАЛИ

На територијата на општина Теарце само дел од локалните патишта се во добра состојба. Меѓу тие што не се во добра состојба е и овој локален пат за кој се аплицира. Предвидената траса на овој локален пат поминува низ средина на с. Теарце започнува од Административната зграда (Собрание) на општина Теарце кон горниот дел на селото односно до Црквата во Бигур и продолжува на кракот кон Полициска станица - Теарце. Преку овој пат се поврзуваат и неколку други патишта на село Теарце. Патот е со стар асфалт и многу е оштетен и амортизиран. Во пролетниот и есенскиот период патот е со кал поради временските услови и дождовите кои се почести во овој период. За да се надмине овој проблем од страна на општина Теарце се изработи основен проект кој треба да го реши или подобри горенаведената состојба. Проблемот е во тоа дека постои отежнато движење на бизнис секторот, земјоделците како и на граѓаните на овој дел од селото. Моменталната состојба на постоечкиот пат е дефинирана врз основа на проекција на теренот, како и преку вршење на геодетско снимање на целата должина од постоечкиот пат. Ширината на постоечкиот пат по должина на целата делница е променлива и изнесува од 3,5 до 4,5 м. Населеното место Теарце брои над 4,000 жители или 17,8% од вкупниот број на жители на општина Теарце. За да се надминеме оваа состојба ни треба да започнеме со изградба на овој локален полски пат, која ќе придонесе и за осовременување на патната инфраструктура во оваа подрачје. Целното подрачје каде ќе се реализира проектот е атарот на с. Теарце. Целна група односно корисници / уживатели од проектот ќе бидат земјоделците, жителите како и стопанските субјекти кои се лоцирани во оваа подрачје. Индиректни корисници ќе бидат и сите жители на општина Теарце.Барањата односно потребите на жителите како и земјоделците се секојдневни и навистина имаат потешкотии во безбедното, слободното и непреченото движење.