ПРОЕКТ ДЕТАЛИ

Општина Центар Жупа е рурална општина/подрачја (Одлука за определување на подрачјата со специфични развојни потреби во Република Северна Македонија за периодот од 2020 до 2024 година број 45-10015/1 од 16.12.2019 година) и e дел од пошироката регионална целина која во природна, економска, социјална и инфраструктурна смисла веќе неколку децении се идентификува како регион на Западна Македонија. Општината зафаќа површина од 107м2 км” со следните населени места Бајрамовци, Баланци, Брештани, Броштица, Ласиќи, Голем Папрадник, Горно Мелничани, Горенци, Долгаш, Долно Мелничани, Евла, Елевци, Житинени, Кочишта, Коџаџик, Мал Папрадник, Новак, Осолница, Оџовци, Пареши, Праленик, Центар Жупа и Црно Боци (4 се без жители), со вкупен број на жители 6519 според пописот од 2002 година. Собирањето на комуналниот отпад се врши од страна на општинското јавно претпријатие “ЈП Кале,, помогнато финансиски од страна на општината, кое комуналниот отпад го собира со трактор и го складира на општинското прифатилиште (депонија) која се наоѓа на соодветна локација оддалечена од населените места . Одржувањето на депонијата се врши со сопствена механизација . Собирањето на отпадот во моментов се врши во 5 села и тоа: Голем Папрадник, Мал Папрадник, Центар Жупа, Баланци и Оџовци. додека во останатите населени места и тоа 14 места нема организирано собирање на комунален отпад а најголемата причина за тоа е немањето на соодветно возило за собирање на комуналниот отпад. Во моментов, собирањето и транспортот на комуналниот отпад се врши со едно возило трактор а секој корисник сопствениот отпад го одлага во буриња и други импровизирани садови со што поради несоодветните и оштетени садови за отпад се губи време, работниците се изложени на непријатни миризби и често пати отпадот паѓа врз нив односно се загрозува нивното здравје. Собирањето на отпадот во оиве пет населени места се врши двапати неделно што е недоволно и создава можност за отварање на диви депонии, загадување на животната средина и опасност по здравјето на жителите на општината, но исто така создава и огромен финасиски проблем бидејќи механизацијата е стара амортизирана и често се вршат поправки, што доведува до нередовно собирање на комуналниот отпад. Од погоре изнесеното, набавката на комунално возило за собирање, транспортирање на комунален отпад се јавува како приоритетна потреба. Во рамките на овој проект ќе се спроведе кампања од страна на општината и ЈП “Кале“ - Центар Жупа за подигање на јавната свест поврзана со неконтролираното фрлање и одлагање на отпадот преку организирање на трибини и состаноци во наслените места со вклучување на локални медиуми и граѓански организации, како и јакнење на контролата од страна на општинските инспекциски служби на непрописно фрлање и депонирање на отпад на диви депонии и јавни површини. Собирањето и депонирањето на отпадот согласно Законот за животната средина и Законот за управување со отпад е надлежност на општината, која е должна да го организира собирањето и депонирањето на отпадот на целата територија на општината, но поради слабите финансиски капацитети Општина Центар Жупа не може сама без финансиска помош од државните институции да ја подобри услугата за подигање и депонирање на комунален отпад во сите населени места. Со реализација на проектот во целост ќе биде покриено собирањето на отпадот во сите населени места на општината, ќе се влијае на зголемување на динамиката на собирање на отпадот два до три пати неделно, се со цел да се обезбеди здрава животна средина како значаен аспект за создавање на конкурентни плански региони кои ќе се препознаваат по добрите услови за живот и работа на населението.