ПРОЕКТ ДЕТАЛИ

Прва фаза од градбата на објектот се Геодетските работи. Геодетското обележување и исколчување на траса ќе се изврши согласно важечките правила за ваков вид на работи. За таа цел е изготвен и геодетски елаборат, каде што се дадени трите расположиви методи за обележување на трасата од поставениот претходно полигонски влак. Тоа се методите на пресек напред, Ортогоналната и поларната метода. Сите потребни податоци за тоа се составен дел од Геодетскиот елаборат. Следна фаза во градбата на објектот се припремните работи, односно расчистување на трасата. Изработката на насипите може да отпочне по обележувањето на трасата, со околчувањето на ножиците, додека околу објектите - пропусти, може да се почне со изградба на насипот после изработката на објектите. Насипот се отпочнува со изработка на подтлото. Најпрво се отстранува хумусот, кој овој дел е со моќностод 30 - 40 см. Со отстранувањето на хумусот од обележаниот терен (од ножица до ножица на секој профил по теренот) се пристапува кон обработка на подтлото. Бидејќи подтлото претставува некохерентен материјал, се обработува и се планира со статички и вибро ваљаци-ежови. По неговата обработка се пристапува кон испитување на неговата збиеност-густина. Испитувањата се вршат со со метална плоча ф300 мм. преку модулот на стисливоста.