ПРОЕКТ ДЕТАЛИ

Овој проект е за реконструкција на пристапниот пат до с.Јакреново како подрачје со специфичи развојни потреби. Врз основа на проектната програма, пристапниот пат до село Јакреново започнува од постоечката улица во урбаниот дел на с. Саждево па се до пропустот на отворениот водотек , во должина од 411 метри. Патот генерално е составен од асвалтен коловоз во ширина од 3,0 метри променлива ширина на банкини и отворени земјени канали за одводнување. Асвалтирањето на локалниот пат е извршено пред 25 години при што измерениот асвалт на лице место е со дебелина од 5 - 6 см. Забележани се оштетувања на асвалтот проследени со пукнатини во основниот асвалт. Постојниот пат, кој не е реконструиран и рехабилитиран од неговото поставување е причина за проблеми со кои се соочува населението кое гравитира кон тој регион. Се оштетуваат возилата, се поплавува асфалтната конструкција со што трајно се оштетува. Се отежнува пристапот до населените места. Се загадува околината, како од земјените пукнатини на постојната асфалтна конструкција, така и од неприфатените атмосферски води.