ПРОЕКТ ДЕТАЛИ

Градско е историски познато како значајна сообраќајна и трговска крстосница, не само за РСМ, туку и за поширокиот балкански регион. Тоа произлегува од неговата географска поставеност, која главно е рамничарскиот дел на средиштето на Македонија, распослано на двете страни на средното Повардарие. Општина Градско со својата централна географска положба е општина во која поминуваат сите поважни транспортни и комуникациски правци. Но истите се во многу лоша состојба. Коловозната конструкција на локалните патни правци е доста оштетена и квалитетот на транспортните услуги е доста низок. Населбите се во уште покатастрофална состојба што го ограничува нивниот развој. Во ситуација кога патниот транспорт и е единствениот вид на транспорт во поголемиот дел од општината, значењето кое го има патната инфраструктура за овозможување на одржливиот развој екратно се зголемува. Улицата Староградска се наоѓа во централното подрачје на населбата Долно Градско. Во моментов улицата е во многу лоша состојба, со коловозна конструкција од земја и не ги задоволува потребите за нормално и безбедно одвивање на сообраќајот. Проблемот што треба да се надмине е: асфалтирање на улицата, изработка на банкини и одведување на атмосферските води, бидејќи патната инфраструктура е неопходна за нормално живеење и работење и е еден од условите за интезивен одржлив развој. Улицата Староградска се наоѓа во с.Долно Градско, општина Градско. Улицата нема тротоари и банкини, така што жителите директно излегуваат на земјениот пат и во тешки услови ги задоволуваат секојдневните потреби. Состојбата дополнително ја отежнува фактот што и во случај на врнежи претставува опасност од поплави во дворовите на околните куќи. Улицата Староградска е долга 220 метри и е од големо значење за економскиот развој на самите жители. Со оглед на тоа што црквата Св. Ѓоргија, е единствен верски објект каде верниците од цело Градско од христијанска вероисповед ја посетуваат, а истовремено до неа се наоѓаат и гробиштата на жителите од Градско, изградбата на улицата ќе придонесе за издигнување на овој сакрален објект, а неговата по лесна пристапност ќе овозможи почесто посетување на вечните почивалишта на ближните од верниците. Охрабрувачки е фактот што инвеститорите од локалната заедница, од Република Северна Македонија, но и од странство го вложуваат овде својот капитал, зошто производството на храна е една од најсигурните инвестиции. Ладилникот „Ником“ од Кавадарци се наоѓа во населбата Долно Градско кој работи со полна пареа каде локалните земјоделци, но и оние од околните општини од Повардарието и Тиквешијата имаат загарантиран пласман на производството, го планираат и насочуваат производството според потребите на пазарот, ги зголемуваат површините и ќе се насочат кон квалитетот кој секако носи и поголема заработувачка. Честата употребливост на улицата од страна на земјоделците со своите специјализирани возила е уште еден доказ дека изградбата на оваа е улица е од круцијално значење на сите жители на општина Градско. Реализацијата на овој проект, исто така ќе влијае позитивно и во делот на образовните услуги и социјалните услуги на месното население, олеснувајќи им ја мобилноста и пристапот и до сите образовни, социјални и културни центри како до самата општина, така и до соседните општини.