ПРОЕКТ ДЕТАЛИ

Во рамките на една општина честопати се соочуваме со диспаритети во социо-економскиот развој меѓу руралните и урбаните населени места настанати како резултат на најразлични причини, а најчеста причина е немањето доволно финансиски средства во општинските буџети за инвестиции во руралните подрачја. Општина Конче е рурална и земјоделска општина и жителите во оваа општина претежно работат и егзистираат токму од оваа стопанска дејност. Меѓутоа подобрување на целокупните услови за живот, квалитетот на живот, можностите за рекреација и социјализација меѓу жителите во никој случај не треба да се занемарат. Развојот на руралните средини е сложен процес кој зависи од мултисекторскиот пристап во спроведувањето на развојната политика и мобилизирањето на локалните ресурси. Искористувањето на идентификуваните силни страни и можности како и компаративните предности на регионот треба да создадат синергии на хоризонтално и вертикално ниво кои ќе се насочат кон интервенции за подобрување на земјоделството, но исто така и во подобрувањето на социо-економскиот статус на руралното население и квалитетот на живот во нивните заедници. Селото Д.Липовиќ има вкупно 423 жители и е сместено во источниот дел на Општина Конче, на 13 километри од општинското седиште Конче. Д.Липовиќ е ридско село кое што се наоѓа на надморска височина од 310 метри, а атарот на селото е мошне голем и зафаќа површина од 21,4 км2 На рурални заедници им е потребно современа комунална инфраструктура (водоснабдување, зафаќање и одведување на отпадни води), фекална канализациона мрежа како и основни услуги за поврзување и олеснување со транспортни решенија. Потребата произлегува со цел да им се помогне на постојните рурални места да се поврзат и да се уредат со цел да им се овозможи поквалитетно место на живеење на граѓаните, да се интегрираат и да соработуваат подобро. Руралните области се места на големи средства и тие можат да станат уште попривлечни ако им овозможиме да го откријат својот потенцијал.