ПРОЕКТ ДЕТАЛИ

Во рамките на општина Новаци, с. Новаци е седиште на општина, со најголем број на жители, околу 1300 со околу 320 домакинства. Регионалниот пат Р-1311 го дели селото на два дела. За подобрување на условите за живот на жителите од ова село општина Новаци превзема активности за изградба, реконострукција и одржување на локалната мрежа во селото. Улицата во с. Новаци која е предмет на оваа техничка документација се одвојува од регионалниот пат Р1311 кај бензинската пумпа и се движи према спортските терени и спортската сала, кај најголемиот маркет во Новаци и се движи према основното училиште и капелата па продолжува према с. Рибарци, потоа се одвојува и кај општинската зграда и се насочва према с. Рибарци. Со изградбата на оваа улица ќе се овозможи подобра инфраструктурна опременост во ова населено место, а истовремено ќе биде во функција на подобрување на комуналните услови, меѓу другото и за развој на производни дејности (во непосредна близина на оваа улица се наоѓа локацијата за изградба на индустриска зона во Новаци). Оваа улица е од големо значење за жителите на с. Новаци бидејќи голем дел од домаќинствата се на оваа улица и е една од поголемите во цело село. Многу значајно за жителите на Новаци е да имаат соодветна инфраструктура, на тој начин и би се спречила миграцијата од село во град.