ПРОЕКТ ДЕТАЛИ

ЈКП „Водовод“ - Битола има четири тиролски зафати на падините на Баба Планина. Со нив се зафаќа сурова вода за потребите на водоснабдувањето на општините Битола, Новаци и Могила. Зафатите се наоѓаат на надморска височина од околу 1300 мнв, во непристапен, планински терен. До нив водат земјани патишта, пробиени во времето на изградбата на зафатите, во текот на 1970-тите години и тие остануваат единствен пристап до зафатите до денешен ден. Освен ЈКП „Водовод“ - Битола, никој друг не е задолжен со нивното одржување. На самите зафати постојат стражарски куќарки, во кои може да се смести вработен за чистење, одржување и манипулација со истите. Со оглед на планинскиот терен и големата надморска височина, во текот на поголемиот дел од годината има снежен покривач, како и услови за создавање на одрони и лавини, кои го затрупуваат патот, па во поголем дел од годината зафатите се тешко достапни за возила и машини. Заради тоа вработените се принудени пешки да одат до зафатите, што не секогаш е можно. За решавање на горниот проблем се предлага набавка на еден мини ровокопач, заради чистење и одржување на пристапните патишта до зафатите, кој би бил постојано на зафатите, како и еден мотор со гасеници, заради мобилност на вработените за одржување на самите зафати.