ПРОЕКТ ДЕТАЛИ

Проект за изградба на водоводна мрежа со резервоар за водоснабдување во с.Издеглавје и с.Слатински Чифлик Општина Дебрца. Проектот е поделен на две фази и тоа ФАЗА 1 Изградбата на резервоар како и поставување на нови пумпи и изградба на потисен цевковод за кој е аплицирано до Министерство за транспорт и врски, финансирано од страна на Европска инвестициона банка и ФАЗА 2 во која е предвидено Изградба на водоводна мрежа и поврзување на двете населени места Идеглавје и Слатински чифлик на водоводната мрежа која е предмет на овој проект. Проектната област се наоѓа во југозападниот дел на Република Северна Македонија во општина Дебрца, селата Издеглавје и с.Слатински Чифлик се на 15 км одалеченост од седиштето на Општината. Селото Издеглавје брои 136 стални жители и 50 непостојано население и с.Слатински Чифлик 11 стални жители и 30 непостојано население. Целата на овој проект е снабдување со вода на домаќинствата во горе наведените села. Селото Издеглавје е со релативно решена инфраструктура ,моментално низ селото има изградено водоводна мрежа која е со слаб квалитет, поради дотраеноста и слабиот квалитет на водоводната мрежа во селото често доаѓа до прекини во водоснабдувањето кои се резултат на честите дефеци на старите дотраени цевоводи и цефки. Со овој проект се опфатени двете села за изградба на водоводна мрежа во должина 2,586 м со кој цевоводен систем двете села ќе бидат взаемно поврзани на водоводната мрежа, Во селото Слатински Чифлик не постои водоводна мрежа. Моментално Жителите со вода за пиење се снабдуваат од околните извори или индивидуални пумпи кои ги имаат во дворовите без притоа да се знае каков квалитет на вода се конзумира. Во таа насока Општина Дебрца има во план изградба на водоводна мрежа и поврзување на двете населени места Идеглавје и Слатински чифлик на водоводната мрежа до овој момент не се побарани финасиски средства за реализација на фаза2 од овој проект.