ПРОЕКТ ДЕТАЛИ

Проектот има за цел воспоставување на одржлива соработка помеѓу Општина Гевгелија и Агенцијата за економски развој Банско, врз основа на спроведувањето на иницијативи за соработка во областа на туризмот, поврзани со подобра заштита и одржливо користење на богатото природно и културно наследство во прекуграничниот регион. Активностите придонесуваат за зајакнување на економската соработка, подобрување на знаењето и искуството за развој и имплементација на заеднички проекти и подигнување на свеста на јавноста за придобивките од прекуграничните иницијативи. Проектот стимулира приближување на сите групи од населението и гради мрежа за деловна соработка, размена на искуства и заеднички активности во областа на туризмот, културата и екологијата и обезбедува развој на целогодишен туризам во прекуграничниот регион. Изградбата на туристичкиот објект "Динкут" развива туристичкиот потенцијал преку одржливо користење на природноте наследство во регионот на општина Гевгелија. Туристичкиот објект "Динкут" е планиран како место за спорт, рекреација и забава и ги вклучува следните атракции: летно кино, простор за спорт и фитнес, детско игралиште со модерна опрема, вештачки ѕид за искачување, игралиште за фудбал, игралиште со опрема од природни материјали, качувачки патеки од природни материјали за возрасни и други атракции. Завршениот туристичкиот објект ќе им предложи на локалните граѓани и на туристите богата разновидност на објекти за спорт, релаксација и забава, кои ќе го подобрат туристичкиот потенцијал на регионот и ќе го зголемат квалитетот на живот и социо-економскиот статус на локалното население. Исполнувањето на проектот е поврзано со активности како: истражување и анализа на природното и културното наследство во прекуграничниот регион Гевгелија - Банско; создавање основен документ за развој на мобилни апликации; развој на веб-сајт, мобилна апликација за туристички информации и обезбедување на информации на Facebook во сферата на заштитата на материјалното и нематеријалното природно, историско и културно наследство и ресурси во прекуграничниот регион Гевгелија - Банско; формирање на културни иницијативи и нови деловни можности. Проектот создава услови за развој на регионална комуникациска мрежа за размена на информации, базирана на иновативно мобилна апликација за Android и iOS, поставени на Google Play и App Store за бесплатно симнување.