ПРОЕКТ ДЕТАЛИ

Основното училиште „Свети Кирил и Методиј“ во Свети Николе е еден од клучните образовни центри во општината бидејки преставува и ресурсен центар за ученици со посебни потреби, со голем број ученици кои секојдневно го користат училишниот двор како простор за одмор, дружење и физички активности. Основното училиште „Свети Кирил и Методиј“ е од развиен тип и во него се образуваат ученици од I до IX одделение во 36 паралелки со над 500 ученици. Во сколоп на Основното училиште „Свети Кирил и Методиј“ во Свети Николе постои и спортска сала како и сообраќаен полигон коишто се користат постојано од страна на учениците, спортските клубови и рекреативци и за одржување на спортски и културни натпревари и манифестации. Меѓутоа, постојната состојба на дворот не ги задоволува потребните стандарди за безбедност, функционалност и естетика. Во моментот, дворот е соочен со неколку значајни проблеми: • Постојната пешачка патека е оштетена, со нерамнини кои претставуваат опасност за движење на учениците. • Недостасува доволно урбана опрема (клупи, корпи за отпадоци, осветлување), што го намалува комфорот и функционалноста на просторот. • Озеленувањето е со недоволно зелени површини и неорганизирано. • Како и посоти недостаток на современи содржини за рекреација и едукација на учениците, како што се амфитеатар, места за групна работа на отворено и • недостасуваат безбедни патеки за движење. Овој проект има за цел целосно уредување на училишниот двор, со што ќе се подобрат условите за престој на учениците, ќе се зголеми безбедноста и ќе се создаде пријатна и инспиративна средина за учење и игра. Преку овој проект, училишниот двор ќе стане модерен, функционален и безбеден простор кој ќе придонесе кон подобрување на квалитетот на наставата и социјалниот живот на учениците.