ПРОЕКТ ДЕТАЛИ

Прилеп е град со околу 70 000 жители и вкупна површина од близу 2000 хектари, а има околу 240.000м2 зелени површини кои се одржуваат, надградуваат и надополнуваат, се со цел да се обезбеди почиста и поквалитетна средина за сите граѓани, места за одмор, рекреација и игра посебнио за децата. Сето тоа влијае позитивно и на справувањето со климатските промени, обезбедување на подобар амбиентален воздух и секако подобри и поквалитетни комунални услуги и комунална инфраструктура во општината. ЈКП „„Комуналец“ Прилеп е задолжено за одржување и изградба на сите парковски и зе4лени површини. Претпријатието располага со одредена механизација која е застарена и нефлексибилна, па затоа има потреба од обновување на механизацијата и набавка на современи машини кои ќе одговараат спрема потребите и терените кои се одржуваат. Со оглед на претходно наведеното, цениме дека ЈКП „Комуналец“ Прилеп има потреба од набавка на еден мини багер кој е неопходен за квалитетно одржување на зелените површини, на парковите, речното корито и сите други места наменети за одмор и рекреација на нашите граѓани. Со предлог проектот “Подобро одржување на зелените површини во Општина Прилеп” ќе се обезбеди набака на еден мини багер за одржување на зелените површини со што ќе се подобри комуналната инфраструктура, комуналните услуги и квалитетот на животната средина, како и целосниот амбиент и изглед на градот, што во крајна инстанца ќе им се овозможи на граѓаните и сите посетители на градот да ги користат благодетите на убавите зелени паркови за одмор и рекреација. Од претходно наведеното може да се каже дека има голема потреба за реализација на проектот со што ќе се подобрат условите за урбано живеење во градот Прилеп, и ќе се обезбеди оваа неопходна и потребна услуга за развој на едно урбано подрачје.