ПРОЕКТ ДЕТАЛИ

Жителите на населените места Стојаково,Селемли и Ѓавото (а и сите останати учесници во сообраќајот кои се движат по локалните патишта кои ги поврзуваат овие населени места) секојдневно се соочуваат со ситуации, кои се ризични по нивната безбедност при движењето на улиците, по нивното здравје и имот, помалку поради непочитување на сообраќајните прописи, а повеќе поради непостоење на сообраќајни знаци и сигнализација. Несоодветниот и застарен режим на сообраќај, ограничен број на вертикална сигнализација на многу мал простор во сите населени места, поставена пред повеќе години со што е под сомнение за задоволување на современите стандарди, скромна хоризонтална сигнализација со избледена боја на обележаните коловозни површини која е речиси непрепознатлива за учесниците во сообраќајот, е реалноста со која секојдневно се соочуваат населените места Стојаково,Селемли и Ѓавато и сите нивни жители.