ПРОЕКТ ДЕТАЛИ

Целта на проектот е зголемување на јавната свест за заштита на животната средина и природните ресурси во преку-граничниот регион преку искористување на органскиот отпад од домаќинствата за да се создаде органско ѓубриво – компост. Со имплементација на проектот ќе се изработи промотивно видео со кое ќе се објасни и промовира концептот на компостирање (упатство за користење на контејнерите за компостирање и придобивките за домаќинствата). Видео материјалот снимен за време на подготовката на промотивното видео ќе се користи за да се произведе кратко соопштение на ТВ со кое ќе се повикаат домаќинствата од регионот кои се заинтересирани да аплицираат и да добијат компостери кои ќе бидат набавени со овој проект. Во рамките на проектот ќе се изработат и брошури кои ќе ги добие секој граѓанин кој ќе добие компостер, како и лицата кои ќе присуствуваат на проектните настани. Ќе се спроведат инфо денови каде што граѓаните кои ќе ги добијат компостерите i ќе бидат обучени за нивна употреба. Студиите што ќе се изработат во рамките на проектот ќе обезбедат информации за потенцијалите за компостирање во целиот преку-граничен регион. Во целиот тек на имплементација на проектот општините од двата региони ќе бидат инволвирани и ќе бидат дел од процесите на обука, информирање за бенефитите од компостирање и поделба на компостерите помеѓу граѓаните. Овој проект се стреми да покаже дека зачувувањето на животната средина е еден од основните приоритети на регионот, искористување на органскиот отпад на начин со кој не само што ќе се намали загадувањето, туку ќе се подобри и квалитетот на земјата преку произведениот органски компост. Подигањето на јавната свест и примерот кој треба да се даде на граѓаните од регионот е основниот бенефит од овој проект.