ПРОЕКТ ДЕТАЛИ

Вардарскиот регион изобилува со голем број природни убавини. Околните планини, водените ресурси, природните атрактивности оставаат простор за афирмацијата и популаризацијата на природните реткости со кои располага овој крај. Вложувањата во патната инфраструктура во регионот и заштитата на културното наследство претставува основа за развој на руралниот туризам во овој дел од регионот и економски бенефит за истиот. Регионот ќе стане атрактивен и претпознатлив по овој вид на туризам. Проектот има за цел развој на туризмот, посебно домашниот туризам. Сите овие локалитети се во Вардарски плански регион и ќе привлекуваат туристи не само од регионот и од другите општини од Вардарски регион, туку и од другите општини од територијата на цела држава. Туризмот не подразбира само посета на локалитетите туку и продажба на добра и услуги во местата во непосредна близина на туристичките локалитети но, исто така и на места кои се наоѓаат долж патиштата до истите. Интензивираното движење во овие подрачја ќе имаат позитивен импакт и врз угостителството (рестораните, кафе баровите) како и врз културата и традиционалните занаети од регионот. Туристичките локалитети дополнително придонесуваат кон продажбата на традиционални добра како: храна (традиционални рецепти), ракотворби, сувернири, традиционална облека итн. Сето ова е одлична можност за промоција и заживување на старите, традиционални занаети. Овој предлог-проект, односно втора фаза на изградбата на пазарот во општина Лозово, во суштина е регионален проект без оглед на поставеноста на пазарот на единечна локација. Всушност, пазарот во Лозово ќе претставува место каде производителите на добра (особено од руралните средини) од регионот, па и пошироко, ќе можат да ги изложуваат своите производи. Со оглед на фактот што низ Лозово минува и регионалниот пат кој го поврзува Вардарскиот регион со Источниот плански регион, тоа значи и дека граѓаните од други региони ќе можат да ги пласираат своите производи на овој пазар. Во Македонија постои традиција граѓаните од други општини да ги посетуваат пазарите во соседните градови во одредени денови, за да набават поквалитетни или поевтини производи.