ПРОЕКТ ДЕТАЛИ

Потребата од реализација на проектот во моментот е неопходна поради непостоење на заштитна ограда на двете страни на кејот на коритото на река Пена. Со тоа се загрозува безбедноста на пешаците, спортистите, велосипедистите и сите жители кои го користат овој дел за пешачење и рекреација. Со овој пројект ќе се надминат овие недостатоци ,ќе се овозможи поголема безбедност и сигурноста на сите жители што го користат овој дел на градот, се овозможува зголемена заштита на животната средина и урбано модернизирање на просторот. Оградата започнува на следната стационажа: од профил П1- 0+0,00 до профилот П84- 1+596,62 или од Бул. Б.С. Бато до м.в. Млин со вкупна должина од двете страни на реката изнесува 3153,04 м’. Проектирана е заштитна ограда која би се појавила од двете страни на речното корито и би претставувала физичка препрека, бариера која би го обезбедила движењето по пешачкие патеки непосредно до реката а истовремено би ја заштитила и реката од покрупен вид на отпад кој ја загадува а воедно и дава и неестетски изглед. Оградата која е предвидена е составена од два различни типови. Првиот тип би се појавил на почетоците и завршетоците на делниците кои ќе бидат оградени со оваа ограда, додека пак вториот тип на ограда би се јавил како исполна помеѓу почетниот и крајниот елемент во поголем број на парчиња, повторувајќи се во низа.