DETAJE TE PROJEKTIT

Овој проект има мултикратно влијание меѓу кои едното од влијанијата е стимулација на соработката и социјалните активности генерално во целиот Вардарски плански регион како и подобрување на условите во транзитен туризам. Проектот ќе влијае директно и индиректно на остварување на неколку стратешки цели на Вардарски плански регион како и на национално ниво. 1. Социјални позитивни влијанија: - преку изградба на спортски терени на отворено, уредени паркови и генeрално зелена инфраструктура се стимулира дружењето меѓу граѓаните односно практикување на заеднички активности, размена на искуства и социјални интеракции. Со попуштање на мерките за дистанцирање заради контрола на пандемијата се очекува драстично зголемување на социјалната интеракција како компензација на претходните 2 години со силни мерки за изолација. Токму затоа местата на отворено ќе бидат идеални за организација на настани посебно во периодот кога климатските услови ќе го дозволуваат тоа. 2. Економски влијанија – економските влијанија се индиректни влијанија односно повеќе последици од инвестиции во ваков тип инфраструктура и можат да се измерат преку неколку бенефити како: зголемување на работната сила преку здрав начин на живот (намален број на боледувања и неефикасни работни часови); потоа заштеда во буџетот преку намалување на трошоци настанати од респираторни болести, инфекции од бактерии, итн заради почиста и здрава околина но и заради појачан имунитет на граѓаните. Исто така ваквите атрактивни паркови се и таргет места за туристи пред се на национално ниво, бидејќи внатрешниот туризам во последните две години растеше и генерално граѓаните ги запознаа и увидоа бенефитите од посетата на националите локалитети, туристички, културни, историски итн. Преку инвестиции во спортски и културни терени на отворено се инхибира користењето на возила, се намалува потрошувачката на фосилни горива со што се намалува емисијата на гасови кои штетно влијаат и врз атмосферата и врз почвата. 3. Еколошки влијанија – инвестициите во вакви инфраструктурни решенија имаат повеќекратно влијание врз животната средина: озеленувањето влијае на квалитетот на воздухот, намалувањето на користење возила исто така позитивно влијае на квалитетот на воздухот, инвестициите во светилки на соларна енергија и смарт клупи влијаат на стимулација на употреба на енергија од обновливи извори.