DETAJE TE PROJEKTIT

Rajoni i Pellagonisë është nën mesataren kombëtare për shkallën e zhvillimit të infrastrukturës që mundëson përfshirje sociale përmes sportit dhe rekreacionit për kategoritë vulnerabël si të rinjtë, fëmijët e kategorive të margjinalizuara sociale dhe personat me nevoja të veçanta. Bashkëpunimi rajonal, i cili përfshin aktivitete për përfshirje sociale, njohje dhe miqësi reciproke dhe për të cilin është e nevojshme infrastruktura moderne si terrenet sportive dhe këndet e lojërave, është në nivel minimal dhe është në rënie të vazhdueshme. Arsyeja kryesore për këtë është mungesa e infrastrukturës shoqërore gjithëpërfshirëse, veçanërisht në zonat e vogla dhe rurale ku jetojnë minoritetet në rajon, pra kategoritë e cenueshme si fëmijët dhe të rinjtë ruralë si dhe personat me nevoja të veçanta. Në kuadër të projektit do të ndërtohen dy kënde lojërash për sport dhe rekreacion në zonat rurale të Komunës së Novacit dhe Komunës së Dollnenit, të cilat do të përdoren si infrastrukturë për rritjen e përfshirjes sociale në rajon.