ПРОЕКТ ДЕТАЛИ

На јужниот дел од Скопје, на падините на Водно се наоѓа месноста: ,,Теферич’’ како рекреативна и туристичка локација за излет, со викенд куќи, како и културната знаменитост црквата Св. Преображение Христово. Дел од пристапниот пат до оваа месност во должина од 1000 м е реконструирана во текот на 2016 и 2017 година, додека останатите 700 м, кои би се опфатиле со фаза 3, се во руинирана состојба, односно е со моментална ширина од 3,5м со оштетен асфалт и оштетени банкини како резултат од атмосферските води. Самата состојба на овој пристапен пат не овозможува соодветни услови за економски развој, односно за зголемување на бројот на посетители, атрактивност за изградба на повеќе објекти (викенд куќи, ресторани, летниковци и сл.) Со цел обезбедување на соодветна инфраструктурна пристапност до оваа месност и културно историски објект, потребно е да се изврши реконструкција на дел од пристапниот пат, кој ќе биде проширен до 5,5 м со тротоари во широчина од 1м. Во изминатите две фази беше реконструиран дел од патот водолжина од 1000м, со што предвидено е да се доработат уште 700м со што патот би бил во целост реконструиран.