ПРОЕКТ ДЕТАЛИ

Проектот Забрзан развој на производство и зголемување на пласман на природно ѓубриво за органско градинарство имплементирајќи циркуларна економија, ќе го преработува биоотпадот и ќе произведува компост, кој потоа ќе се користи како основа за развој на супстрати погодни за специфични градинарски култури. Досега производството на компост го правевме во мали мануелни компостери со капацитет од 400л., во кои што за производство на една шаржа производ беа потребни 3-4 месеци. Во моментов сме во фаза на поставување на 6 тонска автоматизирана постројка за компостирање, која за само 6 часа био-отпадот го претвора во високо квалитетно природно ѓубриво. Се работи за систем на аеробна дигестија кој користи патентирана технологија каде што со вбризгување на кислород во самиот процес на разградување на био-отпадот се забрзува постапката и се спречува создавање на метан. Но и се намалува количеството на ЦО2 што го испуштаме во атмосферата. Постројката работи на електрична енергија и со цел користење на чист извор на енергија, планирана е набавка на фотоволтаична централа.