ПРОЕКТ ДЕТАЛИ

Како резултат на еколошките/природните, а првенствено орографските, климатските, хидрографските, хидролошките, хидрауличките и секако антропогените услови, поројните водотеци од поројната серија „с. Јосифово-с. Пирава“ редовно предизвикуваат поројни надоаѓања и поплави во атарите на селата: Јосифово, Калково и Пирава. Поројните надоаѓања биле присутни во минатото, но поројни врнежи се почесто се јавуваат и денес. Коритата на пороите често се користат и како пристапни патишта, но има и други причини поради кои е намалена или целосно нарушена пропусната способност на истите. Причините најчесто се од антропоген карактер. Како главни причини би можеле да се наведат следниве: • Зголемен интензитет и потенцијал на ерозијата во сливните подрачја и хидрографската мрежа • Нередовно и несоодветно одржување на коритата (обраснати со вегетација и затрупани со нанос, понекаде и со отпад и сл.) • Несоодветни премини/ пристапи преку коритата на пороите • Стеснат и променет напречен профил/ пресек на коритото • Узурпација на земјиште во непосредниот периметар на коритата • Ниско ниво на јавна свест за улогата и значењето на уредувањето на пороите и ризиците и опасностите кои ги носат. Во функција на зголемување на заштитата на населбите, инфраструктурата и земјоделското земјиште од поројни поплави, ублажување и санација на дождовната и речната ерозија како и подобрување на режимот на истекување на водите неопходно е преземање на активности за противерозивно и противпоројно уредување на падините и коритата зафатени со ерозија