ПРОЕКТ ДЕТАЛИ

Младото население во општина Богданци брои 15% од населението, а ситуацијата во Стојаково е многу слична. Според студијата за Младинските трендови во Македонија половина од младите (50%) на 15-29 годишна возраст не спортуваат и не практикуваат било каква физичка активност, а голем дел од децата до 14 годишна возраст во руралните средини немаат соодветен простор и реквизити за игра и забава. Само 1% од младите професионално се занимаваат со спорт, 7% спортуваат аматерски, односно членуваат во клубови, посетуваат редовни тренинзи и/или учествуваат на натпревари, а 42% спортуваат рекреативно или практикуваат физичка активност во вид на хоби. Младите во просек посветуваат 2 до 4 часа неделно за спортување (професионално,аматерски и рекреативно), или изразено во проценти: до 1 час – 31,1%; од 2 до 4 часа – 46,8%; од 5 до 7 часа – 14,5%; над 7 часа – 7,7%. Како една од бариерите која ги спречува младите а особено децата да спортуваат и да си играат безбедно е соодветна инфраструктура/простори за забава и рекреативно спортување. Во Стојаково во овој момент немаме соодветно опремено спортско катче на отворено кое ќе опфака соджини примамливи за младите, за децата има детско игралиште каде поголем дел од играчките се стари несоодветни или искршени, и се наоѓа во дворот на ресторантот и не овозможува соодветен и безбеден престој на корисниците. Младите во Стојаково: - немаат ништо друго освен кафичи, па затоа редовно ги исполнуваат -немаат простор за физичка активност -немаат можности за рекреација -имаат недостаток од простори за забава Децата ( и нивните родители/баби/дедовци) во Стојаково: -немаат безбеден простор за игра и забава -немаат нови современи играчки -немаат соодветен простор за дружење и социјализација Сметаме дека со реализација на овој проект, ќе се овозможи интеграција на младите и нивно правилно физичко и психичко развивање, вклучувајќи ги и децата со нивните потреби за игра и забава. Просторот покрај младите и децата ќе биде соодветен за користење и од останатите возрасни групи и доколку има потреба и од лица со посебни потреби . Предложеното решение подразбира уредување на просторот околу Домот на култура во Стојаково, каде во прва фаза се планира создавање на услови за поставување на соодветна урбана , детска и спортска опрема преку уредување на просторот преку отстранување на стариот потпорен зид, кој е пред рушење и преставува опасност за граѓаните, изградба на нов зид, соодветни патеки, паркинг простор и зелени површини.