ПРОЕКТ ДЕТАЛИ

ЈОУ Дом за стари лица „Киро Крстески-Платник“-Прилеп е јавна општинска установа за вон-семејно згрижување на стари лица со вкупен капацитет од 150 легла. Моменталната вкупна бројка на сместени корисници на услуги е 130. Од вкупниот број на сместени корисници од Прилеп се 65, а останатите се од околината на Прилеп и другите градови од Р.С.Македонија, односно од другите општини во Пелагонискиот регион и соседните региони. Домот за стари лица е единствена институција од ваков вид во северниот дел на Пелагонија и функционира од 1977 година. Домот за стари лица „Киро Крстески-Платник“ – Прилеп нуди услуги од вон-семејна заштита. Основна дејност на Домот е: - сместување, згрижување, 24 часовна помош и поддршка од стручни лица, исхрана, облека, помош и нега, обезбедување одредена здравствена заштита во зависност од утврдените потреби на корисниците на услуги; - социјални, културни и рекреативни активности, пристап до образование, стекнување на животни вештини, работно оспособување и професионална рехабилитација зависно од потребите, способностите и барањата на корисниците на услуги, специјализирана стручна помош и социјална подршка на нивното семејство. - работно производна активност, работна терапија и слично. Покрај основната дејност, Домот може да ги врши и следните дополнителни дејности: - организирање на услуги во домот и услуги во заедницата на стари лица во вид на давање помош во домашни услови; - дневен и полудневен престој на пензионирани и стари лица; - организирање на клубови на стари лица. Во остварување на својата дејност Домот може да изврши проширување на дејноста во согласност со Општина Прилеп. Домот врши дополнителна дејност и тоа согласно Националната класификација на дејност на РСМ-56.29 Останати услуги за подготвување и служење на храна. Сместувањето во Домот во согласност со Законот за социјална заштита се врши врз основа на приватен договор за сместување на стари лица кои имаат потреба или немаат услови за живот во сопственото семејство и имаат потреба од вон-семејна заштита. Домот исто така сместува и корисници на социјална заштита преку Центрите за социјална работа со донесени нивни Решенија за сместување во вон-семејна установа на лица кои се нашле во социјален ризик како и прифаќање и времено сместување на возрасни и стари лица, кои заради разни околности се нашле надвор од местото на живеење, без средства за живот или се без постојано место на живеење, се до нивното враќање во сопственото семејство или сместување во друга соодветна установа за социјална заштита. Домот нуди 24-часовна грижа и нега како и одржување на лична хигиена, менување на облека, постелнини, перење и др. Капењето во домот се организира по одделениа преку целата недела. Вкупна површина на објектот е 4 500 m², a површина која се загрева во објектот е 3.100 m². Загревањето на објектот е со котелска постројка со радијатори. Годишната потрошувачка на енергија во објектот за 2021 година за електрична енергија изнесува 152 189 kWh односно 1.200.000 денари. За екстра лесно гориво за 2021 година потрошени се 60.348 lit односно 3.000.096 денари. Реализирањето и имплементацијата на предложениот проект за Установата ќе биде од огромно значење затоа што во ова време на голема енергетска криза домот значително ќе ги намали трошоците, односно за околу 50%. Остварените заштеди Домот ќе ги реинвестира во подобрување на условите за престој на неговите штитеници.