ПРОЕКТ ДЕТАЛИ

Пелагонискиот регион има недоволно развиена патна инфраструктура и потпросечна густина на патна мрежа. Поради непостоењето на тротоари и лош асфалтен слој, безбедноста на пешаците години наназад е загрозена особено по изградба и ставање во функција на нови резиденцијални и деловни објекти покрај постоечките патни делцници. Возилата низ руралните средини во региониот се паркираат на патните делници што го загрозува движењето на учесниците во сообраќајот. Патната мрежа во регионот е се повеќе користена и од возила кои дистрибуираат разна стока за широка потрошувачка во општините од регионот и пошироко па изградбата на нова патна инфраструктура е повеќе од потребна како за зголемување на мобилноста и проодноста така и за овозможување на безбеден сообраќај на моторните возила и на пешаците низ регионот. Ул. 11-ти Октомври претставува дел од локалниот пат кој ги поврзува регионалните патни правци Р-1305 и Р2339. Заради ограничените просторни услови на Р2339 низ с. Граиште, улицата 11-ти Октомври е единствениот патен правец за тешките товарни возила (шлепери) кои го користат Р2339 (Демир Хисар-Лагово (Општина Прилеп) и обратно). Исто така улицата овозможува и пристап до фирми кои работаат во с. Суводол, с. Кутретино, с. Вардино и Демир Хисар каде секојдневно се дистрибуира разна стока за широка потрошувачка од регионот и пошироко. Ул. 11-ти Октомври претставува дел од локалниот пат кој овозможува пристап до манастирските комплекси на „Успение Пресвета Богородица“ кај с. Суводол и „Св. Тома“ кај с. Вардино.