ПРОЕКТ ДЕТАЛИ

Во микрорегионот на општините Крушево, Демир Хисар и Ресен, како географски така и економски и социјално поврзана целина, живеат преку 30.000 жители во нешто повеќе од 100 населени места. Во овие општините, во зима во период на ниски температури, често има појава на голомразица и силни врнежи од снег со што се зголемува опасноста од отежнато движење на пешаците и одвивање на сообраќајот по јавните површини, тротоари, улици и патишта. Тоа подразбира потреба од редовно чистење на снегот од објектите на комуналната инфраструктура, јавните површини, локални улици и патишта. Зимското одржување на локалните улици и патишта се врши согласно на одредбите на Законот за јавни патишта, Законот за безбедност во сообраќајот на патиштата, Законот за јавна чистота, Законот за заштита и спасување и Законот за управување со кризи и соодветно на истите, општината донесува Програма за зимско одржување на локални улици и патишта. Како директни учесници во одржувањето на јавно прометните површини во општините, ЈКП изготвуваат план/програма за одржување во зимски услови, кој што не можат да ja спроведуваат без соодветната опрема и механизација.