ПРОЕКТ ДЕТАЛИ

Проблемот кој се решава со проектот Изградба на инфраструктура за заштита на животната средина во Пелагонискиот регион е децениското загадување и уништување на животната средина во Националниот парк Пелистер.Конкретно, постојните комерцијални објекти во НП Пелистер лоцирани околу локалитетот Бегова чешма и Хотел Молика ги испуштаат фекалните и отпадни води слободно и предизвикуваат интензивно загадување на паркот, атрофирање на средината околу локацијата на испуштање и поради ограничената самопречистувачка моќ на природата во услови на маловодие се создаваат услови за развој на анаеробно разградување на органските материи и појава на смрдеа. Потребата за интервенција произлегува заради заштитата на природата и зачувувањето на статусот на Национален Пак на Пелистер како највисока форма на заштита на природното богатство во земјата. Паркот е прогласен за национално богатство во 1948 година а ре-прогласен во 2007-та кога е зголемена и неговата трериторија на 17 150ха. Националниот парк Пелистер е дом на многу ендемични видови флора и фауна кои се директно загрозени заради слободното испуштање на отпадните и фекални води. Зачувувањето на животната средина во Паркот директно придонесува кон исполнување на целокупните цели на регионално но и на национално ниво за заштита на природните реткости во земјата. Конкретно, согласно критериумите за регионалност на БРР, проектот иако се спроведува на територијата на две општини (паркот се простира на територија на општините Битола и Ресен) во планскиот регион, резултатите од спроведувањето имаат недвосмислено влијание во решавањето на проблемите на териториите на повеќе општини па и во земјата.