ПРОЕКТ ДЕТАЛИ

Пелагонискиот регион се наоѓа под државниот просек за степенот на развиеност на инфраструктурата која овозможува социјална инклузија преку спорт и рекреација на ранливите категории како што се младите, децата од маргинализираните општествени категории и лицата со посебни потреби. Регионалната соработка која вклучува активности за социјална инклузија, меѓусебно запознавање и дружба а за која е неопходна современа инфраструктура како спортски терени и игралишта, е на минимално ниво и е во постојан пад. Главен причинител за ова е непостоењето на социјално инклузивна инфраструктура, особено во малите и рурални средини каде живеат малцинствата во регионот односно ранливите категории како што се руралните деца и млади како и лица со посебни потреби. Во рамките на проектот, ќе бидат изградени две игралишта за спорт и рекреација во руралните средини на Општина Новаци и Општина Долнени кои ќе се користат како инфраструктура за зголемување на социјалната инклузија во регионот.