ПРОЕКТ ДЕТАЛИ

Со овој проект се предвидува реконструкција односно доградба на објектите на три Домови на културата во три општини во Југоисточниот плански регион и тоа во с. Моин - општина Гевгелија, с. Лубница – општина Конче и во Радовиш, о. Радовиш. Во Домовите на културата во с. Моин, о. Гевгелија и с.Лубница, о. Конче предвидена е реконструкција на објектите, додека во Домот на културата „Ацо Караманов“ во Радовиш предвидено е доградба на натстрешница која ќе го олесни патот на актерите од актерската грамиорна до бината бидејќи сега овој дел е отворен и тие го поминуваат подложени на секакви временски влијанија. Пристапот во вид на рампа од една страна ќе овозможи полесен пристап до бината на лица со посебни потреби, а од друга страна ќе го олесни пренесувањето на различните реквизити и опрема кои што се користат при одржување на најразлични настани и претстави.