![](/Content/img/sirera-logo-transparent.png)
Систем за координација во планирањето, спроведувањето, мониторингот и евалуацијата на политиката за рамномерен регионален развој
Јакнење на капацитетите на територијалните противпожарни единици во Пелагонискиот регион (Битола, Прилеп и Ресен)
ПРОЕКТ ДЕТАЛИ
Територијалните против пожарни единици (ТППЕ) во Битола, Прилеп и Ресен се во алармантна состојба во поглед на нивната техничка опременост и таму се јавува потребата за набавка на нова современа против пожарна опрема а покрај тоа Територијалната против пожарна единица на општина Битола поради непостоењето на против пожарни единици односно станици во општините Могила и Новаци, ТППЕ Битола делува и на територијата на овие две општини. Проектот е од големо регионално значење односно резултатите од спроведувањето ќе имаат недвосмислено влијание во решавањето на проблемите на териториите во повеќе општини во Пелагонискиот регион. Дотраената и застарена опрема во овие три противпожарни едници ја намалува ефикасноста и ефективноста во справувањето со пожари, сообраќајни несреќи и други несреќи. Со спроведувањето на овој проект територијалните против пожарни единици ќе бидат опремени со доволен број на живото - спасувачки одела и едно против пожарно возило во однос на бројот на годишни интервенции кои ги имаат противпожарните единици и жители кои ги живеат во општините. Со зголемувањето на безбедноста и заштитата од пожар и несреќи, значително ќе се подобри квалитетот на животот на населението бидејќи тоа ќе ги намали трошоците кои настануваат при пожар на сопствениците на станови, куќи, имоти и индустриски капацитети а со тоа ќе се намали и бројот на настанатите жртви. Проектот има силно влијание врз заштитата на животната средина и природа особено што превенцијата и спречувањето на пожарите може да го наруши целокупниот еко систем. Со набавката на опремата и противпожарното возило пожарите навремено и квалитетно ќе бидат спречени а со тоа ќе се намалат и штетите врз шумските, земјоделските површини, тоа ќе овозможи подобро и поквалитетно искористување на природните ресурси. Целна група/корисници од проектот е населението од општините: Битола, Прилеп, Ресен, Новаци, Могила како и населението од целиот Пелагониски регион, бидејќи во случаи кога се случуваат пожари од поголем обем територијалната противпожарна единица интервенира онаму каде што е потребно. Потребите и барањата на целната група произлегуваат од потребата за професионална, квалитетна и навремена противпожарна заштита на имотите (стамбените објекти), земјоделските површини и индустриските капацитети. Бројот на директни корисници од резултатите на овој проект се повеќе од 188.000 жители во општините Битола, Прилеп и Ресен како и останатите 50.000 жители во Пелагонискиот плански регион.
Времетраење проект:
Почетен датум:
06.07.2018
Краен датум:
31.12.2019
Датум завршување:
16.09.2019
Вид проект:
Институција:
БИРО ЗА РЕГИОНАЛЕН РАЗВОЈ
Општина:
Битола
Буџетска програма:
РЕГИОНАЛЕН РАЗВОЈ