ПРОЕКТ ДЕТАЛИ

Село Чешиново е едно од поголемите населени места во општина Чешиново-Облешево. Лоцирано е непосредно на околу 1 км од Магистралниот пат А3 (од левата страна) кој ја поврзува Р.Македонија со Р.Бугарија. До селото води пристапен асвалтен пат. Од Левата страна на асвалтниот пат егзистира индустриска зона со изградени повеќе индустриски капацитети (фабрики за ориз, мелници и сл.). Свое вработување во овие индустриски капацитети најдоа поголемиот дел на жители од оваа општина па и пошироко од регионот. На самиот влез од селото е лоцирано и Фудбалското игралиште а во фаза на реализација е и повеќенаменско игралиште. Во 2004 година со финансиски средства од УСАИД е изградено улично осветлување на овој потег.Проблемот овде е што не постои пешачка патека (тротоари) за безбедно движење на пешаците на овој патен правец. Имајки во предвид дека овде егзистираат повеќе индустриски капацитети и фрекфенцијата на движење на возила и пешаци е зголемена, затоа се јави неопходност од изградба на една патека. Просторот (банкините) во моментов се обраснати со трева и нискорастечки жбунести растенија и невозможно е движењето покрај патот.Со средства од Бирото за регионален развој - Проекти за развој на селата 2017, изготвена е техничка документација за „Изградба на пешачка патека - тротоар на улица Асном од левата страна на влезот во с.Чешиново, општина Чешиново-Облешево“Со реализација на овој проект не само што ќе се зголеми безбедноста на пешаците и возилата туку овој дел урбано и естетски ќе се уреди.Овој патен правец е и влез за повеќе населени места (Соколарци, Жиганци, Новоселани, Лепопелци, Врбица, Спанчево), не само населено место Чешиново.