![](/Content/img/sirera-logo-transparent.png)
Систем за координација во планирањето, спроведувањето, мониторингот и евалуацијата на политиката за рамномерен регионален развој
Парк на ветерни електрани (ПВЕ) Богданци - втора фаза
ПРОЕКТ ДЕТАЛИ
"Паркот на ветерни електрани (ПВЕ) Богданци - втора фаза е продолжение на првата и ќе се изведува на веќе постоечкиот опфат од претходно реализираната прва фаза, од причини што според мерните станици поставени на локацијата е утврдено како најдобро ветувачка за максимално искористување на силината на ветерот. Проектот ќе биде во истиот опфат на проектот (ПВЕ) Богданци - прва фаза, со користење на истиот пристапен пат и постоечката трафостаница и далековод, со изградба на крак од пристапен пат и платформи за поставување на столбовите. Изборот на турбините ќе се направи според неколку критериуми: услови на локацијата, т.е топографијата, бараната класа на капацитет, максимална висина, фактор на сензитивност и сл. Ова фаза ќе се состои од 3 до 4 ветерни турбини, што ќе резултира со вкупна инсталирана моќност од минимум 13,2 MW и номинално годишно производство на електрична енергија од околу 37 GWh. Со овој проект, се очекува да се постигнат следните ефекти: 1. Се зголемува инсталираната моќност на АД ЕСМ за 13,2 MW и годишно производство од дополнителни 37 GWh, доволни за снабдување со електрична енергија на околу 6000 домаќинства. 2. Се заокружува проектот Парк на ветерни електрани Богданци на проектираната инсталирана моќност од 50 MW и вкупно годишно производство од околу 137 GWh. 3. Со изградбата ќе се зголеми уделот на обновливите извори во производството на електрична енергија од АД ЕСМ од околу 3%. Република Северна Македонија има обврски кон Европска Унија за исполнување на целите за 20% производство од обновливи извори во енергетскиот биланс, цел која е поставена и поддржана од сите релевантни институции во Македонија. 4. Заштеди на емисијата на CO2 од околу 35.000 t/годишно. Проектот ќе се спроведува на територијата на општината Богданци. Локацијата се наоѓа на м.в Мамино, односно во К.О Богданци вон град, на неколку километри северно од градот Богданци. Возвишението се протега на 3,5 km cеверо-западно од Богданци. Во близина на локацијата, на нејзината северо-западна страна се наоѓа и селото Марвинци. Реализцијата на проектот ќе се одвива во два дела, ЛОТ1 – изградба на ветерни турбини и ЛОТ2 – изградба на патишта и кабелски врски. Во ЛОТ1 влегуваат ветерните турбини, вклучувајќи трансформатори, темели, транспорт, инсталација и пуштање во работа. Во ЛОТ2 влегуваат градежни работи и електрични работи. Тука се вклучени сите градежните работи за изградба на платформите, патишта, како и сите трошоци за инсталирање на средна напонска мрежа, потребни оптички кабли и друга електрична опрема. Со реализација на втората фаза целосно се заокружува проектот „Ветерен парк Богданци“ на проектираната инсталирана моќност од 50 MW и вкупно годишно производство од околу 137 GWh. "
Времетраење проект:
Почетен датум:
09.10.2019
Краен датум:
09.10.2021
Датум завршување:
Вид проект:
Заштита на животната средина и одржливо искористување на заедничките природни ресурси во регионот на ПГС
Институција:
НЕБУЏЕТСКИ КОРИСНИЦИ
Општина:
Богданци
Буџетска програма:
АКЦИОНЕРСКИ ДРУШТВА