ПРОЕКТ ДЕТАЛИ

Развивањето на патната мрежа во општина Неготино е една од стратешките цели на општината за иден локален развој и регионален развој. Општина Неготино во своето стратешко планирање има ставено посебен акцент на изготвувањето на техничка документација за изградба на јужна и северозападна обиколница, а подоцна и создавање на услови и наоѓање на финансиски средства за нејзина изградба. Моменталната состојба во општина Неготино, укажува дека локалните сообраќајници се преоптеретени од сообраќај, со што секојдневната сообраќајна комуникација ја прават стресна, небезбедна и бавна, со оглед на фактот што на истите сообраќајници транзитираат секаков вид на возила (тешки товарни возила, автомобили, земјоделска механизација) итн. што пак доведува до дополнително уништување на истата. Техничката документација за изградба на јужна обиколница ќе претставува целина со сите потребни фази , односно ќе ги задоволува сите потребни стандарди за идна изградба на проект од ваков тип, односно во инфраструктурниот проект и основниот проект ќе бидат предвидени сообраќајници, водоводна мрежа, фекална и атмосферска канализација и улично осветлување. Согласно ГУП за град Неготино, предвидените потези зафаќаат должина од : - Потег 1 од јужната обиколница (ул.Новопроектирана 1) во должина од 1500 м - Потег 2 од јужната обиколница (ул.Новопроектирана 2) во должина од 1100 м - Потег 3 од јужната обиколница (ул.Новопроектирана 3) до спојот со регионалниот пат Р-1102 во должина од 800 м или вкупна должина на трите потези од 3400 м. Исто така, изготвувањето на техничката документација за изградба на северозападна обиколница предвидува квалитетна и стандардизирана документација со сообраќајници, водоводна мрежа, фекална канализација, атмосферска канализација и улично осветлување со сите потребни конструктивни детали, во должина од околу 3000 м и приклучни патишта до постоечката сообраќајна мрежа во должина од околу 2500 м. (должината е индикативна, точната должина ќе произлезе од анализите за проектот за инфраструктура која понатаму ќе биде проектирана на ниво на основен проект). Со изработката на техничка документација за идна изградба на јужна и северозападна обиколница ќе се овозможи и поврзување до УЗ 8 – Маренски порои во Неготино, која претставува битна стопанска зона со стопански субјекти кои придонесуваат кон локалниот економски развој како на самата општина така и за регионот и во која работат жители од самата општина и околните населени места, со што ќе се зголеми нивната атрактивност и пристапност. Индустриската зона УЗ 8 во општина Неготино се наоѓа на северната страна од магистралната улица „Маршал Тито“, односно регионалниот патен правец Р-1103 Кавадарци-Неготино-Лакавица. Зоната опфаќа повеќе катастарски парцели со површина од 17.070 м². Во индустриската зона веќе функционираат претпријатија од повеќе сектори: авто-сервис, производство и преработка и извоз на овошје, производство на железо и челик, конфекција, преработка на домати, производство на кечап, мајонез, мармалад и џемови, авто-сервис, склад со градежни материјали, бензинска пумпа, изработка на грејни тела, продажба на ХТЗ опрема и земјоделски машини и опрема, полигон за авто школа, винарии и друго. За нормално одвивање на овие дејности потребна е квалитетна патна инфраструктура која ќе овозможи полесен проток на луѓе и стоки и компетитивна предност за отворање на нови бизниси и развој на постојните. Побрз, поекономичен и побезбеден пристап до работните места , а од друга страна ќе допринесе за поголемо регионално вмрежување и стимулирање на личната и професионалната соработка внатре во регионот. Создавањето на техничката документација за изградба на јужната и северозападната обиколница претставува еден од предусловите за развојот на општината и регионот и подобрување на квалитетот на живот на жителите од ВПР.