ПРОЕКТ ДЕТАЛИ

Една од главните пречки за развој на Општина Сопиште е недоволната развиеност на патната инфраструктура. Со оглед на фактот дека во овој дел од н.м.Сопиште има постојан раст на населението и е мошне атрактивна локација за домување како неопходна се појавува потребата за асфалтирани пристапни улици. Улицата 29, е делумно асфалтираната, а делумно тампонираната улица која поврзува делови од населбата Сопиште кои се наоѓаат во месноста Шеовец, при самиот крај од падина на планината Водно и под новоизградениот пат кон Сончев Град, северо-источно од центарот на Сопиште. Во последно време реонот е во експанзија и како населба за живеење и како викенд населба, заради што се наметнува потреба од реконструкција на овој пат, оваа пристапна улица. Во контекст на претходно изнесеното изработен е ОСНОВЕН ПРОЕКТ ЗА РЕКОНСТРУКЦИЈА (ревитализација) на таа улица. Патот-улицата воглавно го користат патнички и мали товарни возила, има широчина на коловозот од околу 3 метри, најчесто е странично ограничен со куќи, огради и меѓи, а карактеристично за него е незавидната состојба на коловозот. После првите стотина- двесте метри од асфалтираниот дел на патот, останатиот дел е со слабо тампонираните или земјани потези и во сосем слаба возна состојба. Хоризонтално- вертикалните елементи му се скромни, со сепак позначителни надолжни наклони и сосем мала патна брзина.