ПРОЕКТ ДЕТАЛИ

Градско зафаќа површина 290 км ², на која егзистираат повеќе населени места. Населението на оваа општина, карактеристично по етничка структура главно го сочинуваат Македонци, а застапени се и Бошњаци, Албанци, Роми, Турци, Срби, кои претежно егзистираат од земјоделство. Според новата поделеност на Републиката и локалната самоуправа, општина Градско запошнува со сериозна ревитализација на овој регион, за да се сопрат миграционите процеси и целосно да се подобрат условите за живеење и егзистенција. Според пописот од 2002 година, Општина Градско брои 3760 жители, од кои: Македонци 2924 (77,77%), Албанци 125 (3,32%), Турци 71 (1,89%), Роми 127 (3,38%), Срби 23 (0,61%), Бошњаци 465 (12,37%) и останати 25 (0,66%). Улицата Илинденска е улица која е главна сообраќајница што поминува низ поголемиот дел од населбата Градско и се поврзува со регионалниот пат Градско-Велес и со регионалниот пат Градско-Прилеп. Низ оваа сообраќајница секојдневно транзитираат стотици луѓе од регионот, туристи, добронамерници, пролазници, како и самите жители на Градско. Важно е да се напомене дека улицата се наоѓа во централното подрачје на 500 метри до основното училиште во Градско, општинската зграда, полициската станица, детската градинка, како и многу други правни субјекти од угостителски размери и продажба на големо и мало. Во моментот првата фаза од улицата се реконструира во должина од 115,67м, но ќе останат уште 262,38м.Со реконструкција на оваа улица се предвидува да се ревитализира коловозот, кој е исклучително оштетен, да се изградат тротоари од двете страни на улицата и атмосферска канализација.