ПРОЕКТ ДЕТАЛИ

Горно Оризари (Велешко) е село кое се наоѓа во западниот дел на Општина Велес во долното сливно подрачје на реката Тополка, во околината на градот Велес. Според последниот попис од 2002 година, селото има 2.262 жители и претставува една од најголемите населби во Велешко. Горно Оризари е село во кое живее наголемата бошњачка заедница во Република Северна Македонија. 162 куќи во селото им припаѓаат на жителите од бошњачката заедница, 25 куќи на жителите од албанската заедница, 8 куќи на жителите од ромската заедница, во една куќа живеат припадници на турската заедница, и во една куќа живее македонско семејство. Горно Оризари Од центарот на градот Велес е оддалечено околу 8 km, додека оддалеченоста од периферијата на градот е само 2 km. Селото е претежно рамничарско и се наоѓа на 310 метри просечна надморска висина. Населението во Горно Оризари традиционално е ориентирано кон полјоделство и сточарство, но денес, во голема мера населението егзистира и од привремена работа во странство. Рамничарскиот терен и топлата клима овозможува одгледување на разни култури: житни (пченица, јачмен, пченка и ориз во помал амера), индустриски (тутун, афион, сончоглед и др.) градинарски (бостан, зелка, домати, пиперки) фуражни (детелина и др.) Од сточарство, најзастапено е одгледување на говеда, овци, пчели и живина. Голем дел од населението на Горно Оризари, поради непосредната близина со градот Велес, својата егзистенција ја наоѓа таму, учествувајќи во дневни миграции. Селото поседува пошта и амбуланта. Во него можат да се најдат продавници и угостителски објекти. Во моментов според базата на податоци на правни лица, во село Горно Оризари се регистрирани 77 правни лица и 11 трговци поединци. Пристапниот пат до село Оризари се наоѓа кај поранешна Свилара, како приклучок на регионалниот пат Р1312 Велес-Богомила. Должината на овој пристап е 935.07м и е земјан пат кој е на неколку наврати тампониран, но поради конфигурација на теренот и временските услови тампонот се свлекувал и се разнесувал. Ширината на патот е околу 3,5м на некои места и над 4м, со функционални пропусти кои се бетонирани и оставен е мал отвор за протекување на водата.