ПРОЕКТ ДЕТАЛИ

Потребата за реализација на предлог- проект „ Градежно - Конструктивен проект, Изградба на улица бр.2 во село Каратманово општина Лозово “ , со цел развивање на современа патна инфарструктура во регионот“ е од суштинско значење, не само за жителите на село Каратманово , туку и за сите жители од Општина Лозово . Имено, улицата во село Каратманово во моментов е во многу лоша состојба и зависно од временските услови таа е или во кал или прашина. Истовремено, на истата има нерешен тек на атмосферските води што навистина го отежнува движењето и мобилноста на жителите. Дополнително, овие лоши услови го попречуваат секојдневното функционирање на моторните возила и целокупната земјоделска механизација. За таа цел, жителите на село Каратманово имаат потреба од изведба на инфраструктурни активности за изградба на улица бр.2 во село Каратманово , Општина Лозово во должина од 150,28 метри, а истата е е предмет на барање на нашиот предлог-проект. Предложената улица за изградба се наоѓа во центарот на населеното место ,а нејзината моментална состојба е ископана улица со оформени длабоки бразди од дождовите во изминатиот период. На предложената улица претежно живее население кое што се занимава со земјоделство и земајќи го во предвид фактот што по местоположба улицата е делумно стрмна, отжнато е движењето на моторните возила и земјоделската механизација особено во врнежливиот и зимскиот период од годината . Оваа неизградена улица на едниот крај води до земјоделско земјиште , додека на другиот крај е поврзана со главниот пат кој минува низ центарот на селото. Поради тоа што е делумно стрма и улица каде земјата е глинеста, во врнержливиот петиод се создава сливање (корозија) на земја поради текот на атмосферската вода и калта се таложи на главниот асфалт што предизвикува дополнителни проблеми. Изградбата, односно осовременувањето на оваа улица со нов и модерен коловоз ќе придонесе кон значително подобрување на функционалноста на улицата, а со тоа и ќе овозможи развој на сообраќајната циркулација до едно повисоко ниво на овој дел од населеното место.