ПРОЕКТ ДЕТАЛИ

Според Пописот на населението од 2002 година, во н.м. Пресил живееле 444 жители, од кои 392 Албанцим, 29 Турци и 23 Македонци. Според податоците од верската заедница во ова населено место бројот на жители е зголемен. Проблемот со водоснабдување на руралните населени места во пелагонискиот регион е детектиран како слаба страна при изработката на SWOT анализата во рамките на Програмата за развој на овој регион. Населеното место Преил во општина Крушево не е исклучок од овој проблем. Имено, населеното место Пресил се соочува со проблемот од недостаток на вода за пиење кој е последица од застарен и недоволно димензиониран посточки резервоар за вода за пиење. Потребите за противпожарна вода во ова населено место воопшто не задоволени. Ова населено место има систем за снабдување со вода за пиење од регионаниот водовод Студенчица . Со овој систем стопанисува Јавното комунално претпријатие од Крушево кое е единствено комунално претпријатие задолжено за водоснабдување и одведување на отпадни води во градот и населените места во општината. Од постојниот резервоар водата се дистрибуира низ водоводната мрежа во селото. Постоечкиот резервоар е со недоволен капацитет да ги задоволи потребите од вода за пиење и противпожарна вода на ова населено место. За да се надмине наведениот проблеми потребно е да се изгради нов резевоар за вода за пиење за ова населено место. Техничкото решение од изработениот основен проект предвидува изградба на нов резервоар за вода за пиење од 100м3 и негово поврзување со постојниот резервоар кој има капацитет од 60 м3 со истовремена работа на двата резервоари со што ќе се задоволат потребите на населеното место за вода за пиење како и за противпожарна вода.