ПРОЕКТ ДЕТАЛИ

Предложената улица за реконструкција не ги исполнуваа законските услови како предуслов за непречено и квалитетно извршување на нејзината функција. Предложената траса за раконструкција на дел од улица “Гоце Делчев“ е во должина од L = 542,09m. На целата траса на оваа улица видливи се оштетувања и деформации како резултат на долготрајната експлоатација на коловозот. Оштетувањата се во вид на подолжни и попречни мрежасти пукнатини со помала или поголема широчина. Деформациите се јавуваат како вообичаено пратечко слегнување на коловозот во зоната на пукнатините. На поголем дел по должина на улицата отстранет е дел од асфалниот коловоз како резултат на градежни активности при реконструкција на водоводна мрежа, а на делови од улицата постојат ударни дупки. Заради наведеното патничкиот, но и пешачкиот сообраќај се одвива со големи потешкотии. Со реконструкција на улицата ќе се подобри безбедноста на патниот и пешачкиот сообраќај, Ќе се намалат трошоците за тековно одржување на возилата и улицата.