ПРОЕКТ ДЕТАЛИ

Просторот за кој станува збор во ова барање е за изработка на техничка документација за областа каде се наоѓа градскиот парк ( 24 000 м 2 ), околната површина ( 3500 м 2 ) како и градскиот стадион ( 22 000 м 2 ) во општина Виница. Градскиот парк е уреден со зеленило како и клупи и детски реквизити, но како проблем се јавува неосветленоста на истиот, а со тоа е и небезбеден за посетителите и затоа претставува одлична можност да се постави т.н Паметно сензорно осветлување. Осветлувањето со ЛЕД осветлувачки тела чија моќност ќе се намалува доколку нема движења, со такво осветлување ќе се овозможи поголема енергетска ефикасност, помали загуби на енергија, помало светлинско загадување , поголем животен век на светилките а воедно и ќе се обезбеди поголема безбедност на граѓаните во вечерните часови со оглед на поставеноста на градскиот парк во централното градско подрачје. Непосредно до градскиот парк се наоѓа градскиот стадион во Виница и е со површина од 22 000 м 2. Истиот е во руинирана состојба каде е неопходна негова реконструкција. Имено од страна на општина Виница се органзираат и големи културни( Меѓународен фолкорен фестивал - Истибанско Здравоживо, секоја година со учесници од 15 меѓународни фолклорни здруженија а со посетеност со околу 1000 лица од регионот и пошироко) и спортски манифестации ( “ Тодорови трки “ традиционална спортска манифестација на која учество земаат сите ученици од четирите основни и едно училиште за средно образование ). Едниствено погоден објект за организирање на истите е градскиот стадион. Но како проблем се јавува неговата непристапност како и руинираност .