ПРОЕКТ ДЕТАЛИ

Со овој предлог проект се предвидува реализација на инфраструктурни активности на веќе постоечки објект и ставање во функција на истиот кој ќе служи како мултифункционален простор наменет за одржување на најразлични манифестации и собири кои се од големо значање за граѓаните на о.Василево како и за локален развој на општината. Планирано е проектот да опфати инфраструктурни активности како реконструкција, санација и адаптација на постоен објект - Дом на култура кој егзистира на дел КП бр.2198/1 КО Василево. Потребата за реализација на проектот е значајна од повеќе аспекти и тоа враќање во функција на просториите и капацитетот кои се во склоп на објектот (простории на ЈПКД „Турија“, сала за одржување на седници на Совет на општина Василево, канцеларија на Општинска изборна комисија, канцеларија на ловното друштво Фазан, регионална канцеларија на Агенција за поттикнување и развој на земјоделието, канцеларија на пратеник во Собрание на РСМ, голема сала за манифестации и собири и сл.). Опис на постојната состојба : Објектот Дом на културата е во многу лоша состојба и истиот е нефункционален. Електричната инсталација и кровната конструкција се во многу лоша состојба и тоа придонесува кон навлегување на вода во старата електрична инсталација и поплави во објектот. Фасадата, внатрешните ѕидови и подови на објектот се во застарена и лоша состојба и истите се одронуваат. Тоалетите се во лоша состојба и не се погодни за користење, додека пак столаријата од врати и прозорци во објектот е целосно оштетена и не се затвараат добро, со тоа што при дожд навлегува вода, а при ладно навлегува студ. Проектот ќе придонесе кон санирање на претходно наведените недостатоци на Домот на култура во о.Василево, а со тоа ќе се овозможи ставање во функција на истиот како и отварање можност Домот да се користи како повеќенаменски објект за потребите на сите институции кои користат простории со цел непречено да ги извршуваат своите активности.