ПРОЕКТ ДЕТАЛИ

Изградбата на инфраструктурни објекти (локални улици и патишта и слично) претставува голем проблем за Општина Зелениково. Имено со инфраструктурни објекти е опфатено околу 60% од населението, односно поголемите населени места во општината како што се Зелениково, Орешани, Таор, Пакошево и Ново Село, во поголем дел се опфатени, меѓутоа истите претежно се наоѓаат во лоша состојба. Дел од инфраструктурните објекти во овие населени места е изграден од страна на локалната самоуправа, но добар дел е граден во различен период и од други институции, за истите не постои проектна документација и слично. За обезбедување на средства за изградба или реконструкција на инфраструктурните објекти предуслов е постоење на проектна документација. Општината не располага со доволно финансиски средства за изработка на проектна документација која ќе се однесува на изградба на нови или реконструкција на постоечки инфраструктурни објекти. Исто така во населеното место Зелениково за кое има важечки урбанистички план, а поради наменско (зонско) решение не постојат дефинирани гхрадежни парцели и секундарна инфраструктура, согласно новиот Закон за урбанистичко планирање потребно е да се изработуваат урбанистички проекти било за инфраструктурни објекти во и вон градежен реон, било за парцелација на градежни парцели. Од таа причина општината аплицира со предлог проект за Изработка на проектно техничка документација за инфраструктурни објекти и урбанистички проекти во Општина Зелениково, како би можела врз основа на оваа изработена документација да аплицира за обезбедување на финансиски средства од домашни и странски установи и организации.