ПРОЕКТ ДЕТАЛИ

Локалниот пат за Аџево е со должина од 1650,34 метри и е витален пат за сите жители на мини регионот заради тоа што го поврзува селото Драчево во Општина Кисела Вода , со селото Батинци во Општина Студеничани. Постојната состојба на патот е многу лоша со подолжни и попречни пукнатини и оштетувања од типот крокодилска кожа. Локалниот пат до Аџево е составен од постоечки коловоз со променлива ширина од 4,00 до 5,00 м и банкини со променлива широчина. Поради големата должината на патот дел од истиот како 1 фаза со должина од 550 метри беше реконструиран со средства на општината и средства од Владата на Република Северна Македонија реализирани преку Бирото за регионален развој. Фазата за која го поднесуваме ова барање е втората фаза за реконструкција на патот до месноста Аџево, со што ќе се комплетира реконструкцијата на поатот по целата должина. Со секоја фаза од реконструкцијата се спречува понатамошното уништување на патот, кој на делот кој не е реконструиран е во очајна состојба. Со тоа се намалува времето кое жителите на двете соседни општини го трошат за минување по овој пат, а секако се намалува и оштетувањето на автомобилите кои секојдневно поминуваат по овој пат. Од тие причини сметаме дека реконструкцијата на овој пат во голема мера ќе го подобри квалитетот на живот и секако ќе ја зголеми безбедноста на жителите кои секојдневно го користат.