ПРОЕКТ ДЕТАЛИ

Потребата за реновирање и реконструкција на најстариот планинарски објект во Македонија - „Љуботен”, првично произлегува од долгогодишната традиција на првиот, најстар планинарски дом во Република Македонија, продолжување на векот на трајноста на објектот (постои 90 години), можностите и условите за целосно развивање на планинскиот туризам во регионот и втемелување на планински локалитет кој во иднина ќе се користи како почетна точка на сите оние кои сакаат да ја помината планинската трансверзала од врвот Љуботен до градот Охрид. Понатака, потребата за реновирање на овој планинарски објект е и резултат на 96 - годишно функционирање на Планинарскиот Клуб “Љуботен” (П.К. “Љуботен”) во континуитет, наталоженото искуство на повеќе генерации планинари, учество во голем број на проекти за развој на планинскиот туризам на Шар Планина, проекти за заштита на животната средина и заштитените растителни подрачја на Шар Планина и низ годините, носители на проектите за обележување на планинарските патеки на Шар Планина. Воедно, историјата на П.К. “Љуботен” е поврзана со почетоците, историјата и развојот на планинарењето во Македонија. Во клубот членувале и членуваат планинари од сите возрасти и националности кои живеат во Тетово, Македонија. Клубот е 60 - годишен организатор на масовни планинарски походи на Шар Планина на кои учествууваат редовно клубови и планинари од сите балкански држави и пошироко. (пр. манифестацијата Титов Врв, во мај, во последните 30 години ја посетувале просечно по 700 планинари, 60 клубови, 10 држави.) Успесите на планинарите на клубот во освојувањето на највисоките врвови во светот: врвови на Хималаи, Монт Блан, Матернхорн, Аконкагва, Килиманџаро, Елбрус итн. Идејата и целта за реновирање на Планинарскиот Дом Љуботен произлегува и од останати фактори, како: - Природните богатства на Шар Планина: површина 1600 км2, појас од 80 км должински по гребен и широчина од 10 – 30 км.; 25 врвови над 2.000 м., 15 врвови над 2.500 м. надморска височина, кои кулминираат со Титов Врв (2747 м.); 36 глациални езера, водопади, 220 извори, реки во две сливни подрачја; флората изобилува со 2.000 видови од кои 200 ендемични растенија, 44 видови на дивеч; широки појаси шуми, пасишта, и др. На Шар Планина се наоѓа еден од најголемите скијачки центри на Балканот, Попова Шапка. - Иницијатива на сите релевантни фактори за прогласување на дел од Шар Планина за национален парк. (Министерството за екологија, Министерството за економија,научните институции, Универзитетите во Скопје и Тетово, Канцеларијата на Европската Унија, Локалната самуправа на општините во регионот, еколошките, планинарските и други друштва и клубови во Тетово и Тетовско, политичките субјекти и граѓани), - Преку 75 години организиран туризам, годишна посета од 100.000 посетители на Шар Планина. - Се поголемиот интерес на граѓаните на Тетово, Р. Македонија и другите балкански и европски држави за рекреирање, индивидуално и организирано планинарење, спортување, еколошки и научни истражувања, туристичка посета на регионот на Шар Планина, од домашни и странски посетители. - Речиси неисцрпните можности за развој на планинарскиот, зимскиот, еколошкиот и спортски туризам, што ги нуди Шар Планина. - Се поголемата координација и соработка на П.К. “Љуботен” со сите планинарски, скијачки, праглајдерски и маунтингбајк клубови, туристички и еколошки друштва во регионот. - Зголемениот интерес на локалната самоуправа за развој на локалниот туризам. - Скромните услови кои ги нудат планинарските објекти, домови во цела Македонија, а посебно на Шар Планнина