ПРОЕКТ ДЕТАЛИ

Општина Чашка зафаќа површина од 825 км2 со вкупно 42 населени места. Припаѓаме на Вардарскиот плански регион .Чашка е географски центар на Република Северна Македонија трета по територија , најголема општина во државата. Регионот се карактеризира со ридови, планини , односно Јакупица, Даутица, Караџица, Голешница и Китка. Највисок врв Солунска Глава во 2539 . Во согласност со попис на население, 2002 година имаме 7673 жители од кои 4017 мажи и 3656 жени. Според„ Процени на населението НТЕС 2007„ состојба 31.12.2015 година имаме вкупно 8003 жители од кои 4237 мажи и 3766 жени. Горди сме што бројот на жители расте и се залагаме за подобрување на квалитетот на живот во сите населени места се со цел да се задржи населението во родните места. Локалната самоуправа Чашка има дејност согласно Закон за локална самоуправа , како и другите закони со Статут да ги уредуваме и вршиме работите од јавен интерес кои имаат локално значење. Основачи сме на Јавното претпријатие за комунална дејност ТОПОЛКА во Населба Чашка кое е единствен давател на комуналникте услуги( водоснабдување и собирање, транспорт и депонирфање на отпад преку организирано управување со отпадот на општинската депонија Раковец. „ Тополка“ денес има вкупно 23 вработени лица, од кои мажи 21 и 2 жени. Расплагаат со две специјализирани возила, од кои едното не е во возна состојба и 4 трактори. Еден трактор е во селата Горно Јаболчиште и Долно Јаболчиште од каде во текот на неделата отпадот се собира два пати во неделата . Еден е во Извор, кој е функционален во високите места недостапни за специјализираните возила, и еден ден во неделата собира комунален отпад од населеното место. Останатите два собираат отпад од Населба Чашка . Во 2018 и 2019 година , набавивме специјализирано возило за собирање на комунален отпад, метални контејнери и канти за домаќинстата.За прв пат се воспостави собирање на комунален отпад од Горно Јаболчиште и Долно Јаболчиште каде имаме 3500 жители односно денес имаме 400 корисници на домаќинства. Големата териоријална површина и високите населени места се предуслов за набавка на нов трактор возило кое ќе опслужува во населените места Богомила, Ореше, Папрадиште со дополнителна опрема(приколка, нож за чистење на снег , соларка )како и канти за домаќинствата . Богомила имаме високи места каде специјализираното возило не може да ги опслужи жителите. Во моментов имаме 400 корисници од Богомила, како и 40 корисници од Папрадиште Папрадиште е планинско место идеално за развој на туризмот и љубителите на природата. Со возилото ќе се воспостави собирање на отпад во Ореше за прв пат во 2021 година. Имено 218 жители ќе имаат можност да бидат дел од интегрирано собирање на отпадот со цел воспоставување на услугата и подобрување на нивниот живот. Ореше , Папрадиште се населените места каде во време на пандемија , имам зголемен број на привремен престој особено на возрасните лица кои имаат свој загарантиран приход, пензија и своите пензионерски денови ги поминуваат во природа. Ореше има предуслов за развој на алтернативен односно манастирски туризам со постоењето и функционирањето на манстирот Св Ѓорѓија како и препознатите орешки водопади . Во Папрадиште активно функционира планинарскиот дом Папрадиште, и белег на селото е црквата Св Петар и Павле , изградена од Андреја Дамјанов. Љубителите на природата често ги спроведуваат планинарските тури до Чеплес, како и изворите на река Бабуна. Локалната патна инфраструктура во должина од 126 км е наметлива потреба за зголемување на бројот на возила со собирање на комунален отпад, со што ќе се врши истовремено собирање на отпадот.Ќе се придонесе кон заштита на животната средина во населените места. Ореше и Папрадиште се носители на алтернативниот туризам.Во моментов во Папрадиште имаме само два контејнери , со набавка на 40 канти за домаќинствата ќе се придонесе кон заштита на околината. Со набавка на 60 канти за домаќинства за Ореше ќе се воспостави за прв пат организирано собирање на комунален отпад за 28 жители Со тракторот покрај собирање на комуналниот отпад во текот на зимскиот период каде снегот е застапен подолг период со опремата ( нож за чистење на снег и соларка) ќе се обезбеди безбедно чистење односно пристап до населените места .