ПРОЕКТ ДЕТАЛИ

Преку развивање на совемена и функционална сообраќајна инфраструктура ќе се подобри квалитетот на живот на локалното население, ќе се создадат услови за подобар (локален ) економски развој, ќе се подобри лошата состојба со локалната патна инфраструктура во руралните средини, ќе се придонесе во намалување на разликите во развојот на транспортната инфраструктура помеѓу населените места во општина Богданци, помеѓу општините во рамки на Југоисточниот регион, како и намалување на разликите помеѓу регионите. Анализите на состојбите со локалната патна инфраструктура недвосмислено покажува дека таа е во лоша состојба, и преставува пречка за понатамошниот развој посебно во руралните средини. Од тие причини и Стратешките програми на сите нивоа, локално, регионално, и национално, во своите приоритети посебно внимание обрнуваат на надминување на овие предизвици. Состојбата со транспортната инфраструктура во Југоисточниот регион споредена со другите региони во Македонија е во многу полоша кондиција. Општина Богданци во рамки на Југоисточниот регион има една од најслабите патни инфраструктури, застарена, нефункционална, оштетена, неизградена. Споредено, во рамки на општината, состојбата со локалните улици е многу полоша од состојбата со локалните патишта.