ПРОЕКТ ДЕТАЛИ

Проектот за Изработка на инвестиционо техничка документација на ниво на основен проект за 3 проекти во населено место Габрово е еден од приоритетните проекти на Општина Струмица за ова населено место според консултација и партиципативноста на населението од село Габрово при донесување на одлуки кои проекти ќе се реализираат во 2020 година. Село Габрово години по ред е едно од најпосетуваните села од страна на туристите од регионот и пошироко поради Габровските водопади. Сето ова допринесе за реализација на повеќе проекти со кои се уреди ова рурално подрачје како изградба на трим патека, изградба на резервоар, изграба на пат кој води директно до Габровските водопади, уредување на поројот Тутеј и други проекти. Сите овие проекти овозможија подобрување на инфраструктурата во село Габрово, подобрување на локалниот економски развој и развој на туризмот со што во голема степен се подигна нивото на квалитет на живот на локалното население. Согласно планските и програмските определби за реализација на програмата за комунално уредување на Општина Струмица, а во согласност со Законот за градење, потребно е да се изработи техничка документација за 3 основни проекти, и тоа: 1. Основен проект за рехабилитација на полски пат , заедно со проект за инфраструктура, во с.Габрово; 2. Основен проект за изведба на локален пат , заедно со проект за инфраструктура, во с.Габрово 3. Основен проект за изведба на пороен канал , заедно со проект за инфраструктура, во с.Габрово Полскиот пат директно го поврзува с.Габорово со атарот на с. Габрово. Истиот претставува важен дел од полската патна мрежа, со што се олеснува транспортот на земјоделските добра во оваа катастарска општина. Патот е со должина од 2500 м., и ширина на коловозната лента од 3,50 м. заедно со канафка од едната страна на коловозот со ширина од 0,55 м. Цел на изработка на техничка документација и понатамошна изведба на инфраструктурни зафати е подобрување на инфраструктурата во селото која ќе придонесе за зголемување на квалитетот на урбано живеење. Локалниот пат директно ја поврзува Катастарската општина Габрово во Општина Струмица со регионалниот пат. Истиот претставува важен дел од локалната патна мрежа, со што се забрзува комуникацијата во оваа Катастарска општина. Патот е со должина од 700,00 м., и ширина на коловозната лента од 3,50 м. заедно со банкини од двете страни на коловозот со ширина од по 0,75 м. Цел на изработка на техничка документација и понатамошна изведба на инфраструктурни зафати по овој проект е подобрување на инфраструктурата во селото која ќе придонесе за зголемување на квалитетот на урбано живеење. Поројот проаѓа преку селската населба Габрово, а се формира од водите од сливното подрачје што се наоѓа над оваа селска населба, на планината Беласица. Во изминатиот период за уредувањето на овој пороен тек не се превземени активности за негово уредување во смисол на изработка на Техничка документација и нејзина реализација. Поројот има голема сливна површина и при поголеми врнежи предизвикува големи штети во с. Габрово. Од извршената теренска проспекција утврдено е дека заради непревземање уредувачки мерки во сливот и коритото на овој порој, при последните интензивни врнежи причинета е огромна материјална штета на објектите и инфраструктурата. За разрешување на горе наведениот проблем неопходно е превземање итни мерки за уредување на овој порој, најпрвин со изработка на Техничка документација и понатаму со нејзино реализирање во најскоро време. Уредувањето на поројниот канал ќе ги исполни следните цели: • Стабилизација на коритото и бреговите на поројниот канал; • Подобрување на заштитата од големи води;