![](/Content/img/sirera-logo-transparent.png)
Систем за координација во планирањето, спроведувањето, мониторингот и евалуацијата на политиката за рамномерен регионален развој
Реконструкција на објект на Месната заедница, Добрушево за употреба на Центар за Ран детски развој и Пензионерски клуб со Граѓанска Канцеларија
ПРОЕКТ ДЕТАЛИ
Добрушево е село во областа Пелагонија, во Општина Могила, во околината на градот Битола. До 2004 година, селото претставувало административно седиште на поранешната истоимена општина, а служи како главно село за останатите села во околината. Сместено е на левиот брег на Црна Река. Селото е рамничарско, на надморска висина од 594 метри. Добрушево претставува познато село во овој дел од Пелагонија. Се наоѓа на раскрсница на патишта и околу него има плодно земјиште. Поради тоа селото е богато и развиено. Атарот зафаќа простор од 16,5 км2. На него преовладува обработливо земјиште на површина од 1.475 хектари, на шумите отпаѓаат 39,7 хектари, а на пасишта 38,6 хектари. Добрушево е големо село, но со намалување на бројот на жители со текот на годините. Во 1961 година селото броело 1.183 жители, додека во 1994 година бројот се намалил на 646 жители, македонско население. Според последниот попис од 2002 година, во селото Добрушево живеле 624 жители. Во селото има централно основно училиште, во него се изведува настава до деветто одделение на македонски јазик, пошта, амбуланта, ветеринарна станица, дом на културата и месна заедница. Во селото се наоѓа објектот на месната заедница кој се наоѓа во непосредна близина на старото основно училиште, паркот, црковен објект и гробиштата кој служел за одржување на културни настани. Но со дотраеноста на објектот се дислоцирани функциите за коишто бил наменет. Со истражување на потребите на жителите на селото заклучено е дека е потребно да се предвиди објект за потребите на месното население за употреба за Центар за Ран детски Развој , Пензионерски клуб и граѓанска канцеларија каде младите од Граѓанските организации од селото и пошироко ќе може да организираат активности за подобрување на условите во нивните села акции и слично.
Времетраење проект:
Почетен датум:
04.06.2021
Краен датум:
01.11.2022
Датум завршување:
11.02.2021
Вид проект:
Локален економски развој
Институција:
БИРО ЗА РЕГИОНАЛЕН РАЗВОЈ
Општина:
Могила
Буџетска програма:
РЕГИОНАЛЕН РАЗВОЈ