ПРОЕКТ ДЕТАЛИ

Патниот правец од м.в Крушка до м.в Ајдар е од суштинска важност за жителите од селата Костин Дол и Небојани затоа што овој правец е единствена врска за жителите на овие населени места со градот Кочани. Движењето по овој патен правец особено во зимскиот период и за време на врнежи од дожд е многу отежнато и е во прекин. Првиот дел на оваа делница од 1.994 метри се изградени и остануваат уште 777,7 метри за изградба со што оваа делница ќе се поврзе со м.в Крушка, а оттаму и со градот Кочани. Како еден од најголемите проблеми со кој се среќаваат жителите на ова село е непостоењето на пристапен пат до селата и со тоа тешко можат да ги обавуваат своите секојдневни стопански и земјоделски дејности. Населението на овие села низ кој поминува патниот правец изнесува 66 жители . Генерално селата Костин дол и Небојани ги имаат истите проблеми како и другите ридско планински села, лоша инфраструктура, несоодветен пристап до поважните места и пред се миграцијата село-град поради непостоење соодветни услови за живот пред се во патната инфраструктура. Со изградбата на овој патен правец од м.в Крушка до м.в Ајдар. во иднина ќе има асфалтирана патна врска со градот Кочани, што ќе обезбеди подобри и поквалитетни услови за живот на жителите од селата Костин Дол и Небојани и на останатите села што гравитираат околу него. Во минатото имало поголем број на жители, но со последниот попис од 2002 денес има 30 домаќинства. Последните години има тенденција многу жители од Кочани кои имаат во овој крај земјоделско земјиште истото да го обработуваат и да се занимаваат со производство на органска чиста храна и сточарство, а со тоа и повторно да го заживуваат овој крај. Со изградбата на патот се создаваат можности подинамично да се развива овој крај во делот на производство на органски чист производ .